बागमती नदीले बगाएका बागमती-१ का घलानको शव भेटियो

बागमती: बागमती नदीले बगाएर बेपत्ता भएका मकवानपुर जिल्लाको बागमती गाउँपालिका–१ माझगाउँ खेस्रेखोलाका १८ वर्षीय सोमबहादुर घलान मृत फेला परेका छन् । शुक्रबार रौतहटको गौरमा घलानको शव फेला परेको हो।

असोज १ गते दिउँसो करिब ३ः३० बजे बुवासहित ४ जना बागमती नदीमा माछा मार्न गएका थिए। उक्त क्रममा नदीले सोमबहादुरलाई बगाएको हो। घलानको शव आफन्तले बुझेर पोष्टमार्टमसमेत गरिसकेको जनाएको छ।