हेटौंडा/सहकारीहरु विश्वास योग्य हुन जरुरी रहेको हेटौंडा उपमहानगरपालिकाकी मिना कुमारी लामाले बताईन् । शनिवार हेटौंडा ७ स्थित नवज्योति माध्यामिक विद्यालयको प्रांगणमा हेटौंडा वचत तथा ऋण सहकारी संस्था लि.को वार्षिक साधरणसभामा मेयर लामाले यस्तो बताएकी हुन् । सहकारी चलाउनका लागी पहिले जस्तो जसोतसो चल्न मुस्किल भएको उनले बताईन् । सहकारीको विषयमा हेटौंडा उपमहानगरपालिकाले मात्र नभई राज्यलाई नै एउटा चुनौतीको विषय भएको लामाले बताईन् । ‘सहकारीमा हामी कुनै न कुनै कंहिकतै आवद्ध छा त्यसैले सहकारीको संरक्षण हुन आवश्यक छ ।’ मेयर लामाले भनिन् सभा संस्थाका अध्यक्ष इन्द्र बहादुर बस्नेतको सभाध्यक्षतामा भएको कार्यक्रममा हेटौंडा उपमहानगरपालिकाकी मेयर मिना कुमारी लामाको प्रमुख आतिथ्यता रहेको थियो सभाका अध्यक्ष बस्नेतले वार्षिक प्रतिवेदन, सचिव युवराज गौतमले संस्थागत प्रतिवेदन, कोषाध्यक्ष पार्वती ढकालले वार्षिक योजना तथा बजेट साधारण सभामा पेश गर्नुभएको थियो । उक्त अवसरमा गत आर्थिक वर्षको लेखा परिक्षण प्रतिवेदन, लेखा सुपरिवेक्षण समितिको प्रतिवेदन, ऋण उपसमिति प्रतिवेदन पेश गरिएको थियो । ७ हजार १ सय ४५ जना सेयर सदस्य रहेको संस्थाको सेयर पुँजी ४ करोड ७८ लाख ४३ हजार रुपैयाँ रहेको बताइएको छ । यस्तै संस्थाको कुल बचत ५४ करोड ६० लाख २७ हजार रुपैयाँ रहेको छ । लगानी रहेको ऋण रकम ५५ करोड २१ लाख, जगेडा कोष ३ करोड ५५ लाख, अन्य कोष १ करोड २६ लाख रहेको अध्यक्ष इन्द्र बहादुर बस्नेतले बताउनुभयो । साधारण सभाको अवसरमा संस्थाले टिम टेलिभिजनका संवाददाता मनिल महतोलाई सम्मान समेत गरेको छ । कार्यक्रममा उत्कृष्ट कर्मचारी, नियमित बचतकर्ता, असल ऋणि, एसईईमा उत्कृष्ट अंक ल्याउने शेयर सदस्यका छोराछोरीलाई पनि सम्मान गरिएको सचिव युवराज गौतमले जानकारी दिनुभयो । संस्थाको हेटौंडा ८ कमाने, हेटौंडा १६ चिसापानि, हेटौंडा २ मा सदस्य सेवा केन्द्र समेत रहेको छ ।
प्रतिकृया दिनुहोस्
