बागमती: बागमती गाउँपालिका वडा नम्बर ७, पाथीभरास्थित चौरा आधारभूत विद्यालयमा कार्यरत शिक्षकमाथि विद्यालय परिसरमै कुटपिट भएको छ । विद्यालय स्रोतका अनुसार शिक्षक दिनेश दर्लामी मगरलाई लामिटार निवासी छिरिङ लोप्चनले आइतबार बिहान ११:४५ बजे सबै शिक्षकहरुकै अगाडी कुटपिट गरेका हुन् ।
एक जना शिक्षकले भने `उहाँ सरासर हामी सबै शिक्षकहरु बसेको ठाउँमा आइपुग्नुभयो। दिनेश सर भन्ने को भनेर सोधेपछी देखाउन साथ उहाँमाथी हातपात भयो ।´ यथार्थ कुरा सोधबुझ सिधै हातपात भएको देख्दा साह्रै नरमाइलो लाग्यो। हामी विद्यालयमै सुरक्षित नभएको महशुस भयो।´
आफ्ना बच्चालाई पढाउने बेलामा शिक्षक दर्लामीले कुटेको आरोप लगाउँदै अभिभावकले हातपात गरेको बताइएको छ । यो विषयमा विद्यालय व्यवस्थापन समितिले उक्त घटनाको निन्दा गरेका छन् । शिक्षक दर्लामीले कानुनी बाटो रोज्ने बताएका छन् ।
प्रतिकृया दिनुहोस्
