बागमती: मकवानपुर बागमती गाउँपालिका-१ मा टोलस्तरिय दोस्रो बागमती-१ अध्यक्ष कप फुटबल प्रतियोगिता सुरु भएको छ। रामपुर मैदानमा सुरु प्रतियोगिताको शुक्रबार बागमती गाउँपालिकाका अध्यक्ष सर्केश घलानले उद्घाटन गर्नुभएको हो।
शुक्रबार भएको उद्घाटन खेलमा नुआ क्लबलाई टाइब्रेकरमा ५-४ गोलले हराउँदै रामपुर युवा क्लब विजयी हुँदै सेमिफाइनल प्रवेश गरेको छ। निर्धारित खेल समय १-१ गोलले बराबरीपछि खेल टाइब्रेकरमा धकेलिएको थियो। रामपुरका लागि करण कुमार विष्ट र नुआका लागि मेषक राईले पेनाल्टीमार्फत १ गोल फर्काएका थिए।
खेलको म्यान अफ द म्याच रामपुरका राजेश माझी घोषित भए।
प्रतियोगिताको फाइनल खेल ६ गते हुनेछ । विजेता टिमले ६० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् । बागमती-१ का कार्यवाहक वडाध्यक्ष हस्त बहादुर थिङको सभाध्यक्षतामा भएको प्रतियोगिता उद्घाटन कार्यक्रममा बागमती-३ का वडाध्यक्ष कमान सिं पाख्रीन, एन्फा मकवानपुरका उपाध्यक्ष अरुण बल, बागमती खेलकुद विकास समितिका अध्यक्ष रहर सिं थिङ लगायतको आतिथ्यता रहेको थियो।
