Breaking 1

मकवानपुरः गाजा क्षेत्रमा १५ महिनादेखि युद्धरत इजरायल र प्यालेस्टिनी समूह हमासबीच युद्धविराम सम्झौता भएकोमा नेपालले स्वागत गरेको छ । परराष्ट्र मन्त्रालयले विज्ञप्ति निकालेर गाजामा बन्धकहरूको रिहाइ र युद्धविराम सम्झौता भएकोमा स्वागत गरेको हो । मन्त्रालयले मध्यपूर्वमा भइरहेका घटनाक्रमहरूलाई नजिकबाट नियालिरहेको पनि जनाएको छ । मन्त्रालयले नेपाल सरकारले नेपाली नागरिक विपिन जोशीसहित सबै बन्धकहरूको रिहाइको लागि निरन्तर आग्रह गर्दै आएको उल्लेख गर्दै अहिलेको महत्त्वपूर्ण सम्झौता गराउन मध्यस्थतामा संलग्न सबैको प्रयासप्रति आभार प्रकट गरेको छ । अमेरिका, कतार र इजिप्टको मध्यस्थतामा दोहामा भएको वार्तामा बिहीवार बिहान युद्धविराम सम्झौतामा सहमति जुटेको हो । इजरायल र हमासबीच भएको युद्धविराम सम्झौता भोलि आइतवारदेखि लागू हुनेछ ।...

मकवानपुर: बागमती गाउँपालिकाका अध्यक्ष सर्केश घलान सहितको टोलीले नेकपा माओवादी केन्द्र अध्यक्ष पुष्पकमल दाहाल प्रचण्डसँग भेटघाट गरेका छन् । शुक्रबार बिहान दाहाल निवास खुमल्टारमै पुगेर अध्यक्ष घलान सहितको टोलीले प्रचण्डसँग भेटघाट गरेका हुन् । बागमती गाउँपालिकामा आगामी फाल्गुन १ गते देखी सुरु हुने सातौं बागमती राष्ट्रिय गोल्डकपको विशेष निमन्त्रणा लिएर अध्यक्ष घलानसहितको टोली प्रचण्ड निवास पुगेका हुन् । भेटघाटका क्रममा पुर्वप्रधानमन्त्रीसमेत रहनुभएका अध्यक्ष दाहालले सम्भव भएसम्म बागमती गोल्डकप उद्घाटन कार्यक्रममा उपस्थित हुने वचन दिनुभएको छ। प्रचण्डलाई भेटघाट तथा विशेष निमन्त्रणाको लागि बागमती खेलकुद विकास समितिका अध्यक्ष रहर सिं थिङ, वडा नम्बर ३ का अध्यक्ष कमान सिं पाख्रीन, वडा नम्बर ४ का अध्यक्ष दन्तलाल माझी किरण, नेकपा माओवादी केन्द्र जिल्ला सदस्य बेलि कुमारी दोङ घलान, खेलकुद ...

बागमतीः पहिलो संस्करणको नोआ पार्क लिग फुटबल प्रतियोगिता अन्तर्गत बन्जरे युवा क्लब क्वाटरफाइनलमा प्रवेश गरेको छ । बुधबार बागमती–१ स्थित माझगाउँ खेल मैदानमा भएको खेलमा हात्तीढुङ्गा युवा क्लबलाई १–० गोलले हराउँदै बन्जेर क्वाटरफाइनलमा प्रवेश गरेको हो । बन्जरेको जीतमा जर्सि नम्बर ९ का प्रविन राईले निर्णायक गोल गरे । उनले उप्रान्त आले मगरको असिष्टमा उत्कृष्ट गोल गरेका हुन् । जीतसँगै बन्जरे नकआउट चरणमा प्रवेश गरेको छ । नोआ पार्क क्लबको आयोजनामा मंगलबारदेखि सुरु भएको प्रतियोगितामा १२ टिम सहभागि छन् । प्रतियोगिताको क्वाटरफाइनलका खेलहरु शुक्रबार, सेमिफाइनल खेल शनिबार र फाइनल खेल आगामी सोमबार हुनेछ । प्रतियोगिताको विजेता टिमले २५ हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेताले १५ हजार रुपैयाँ प्राप्त गर्नेछन् ।...

मकवानपुरः पूर्व–पश्चिम राजमार्ग अन्तर्गत हेटौँडा–१५, रातोेमाटे चेकपोष्टबाट मकवानपुर प्रहरीले लागूऔषध गाँजासहित १ जनालाई पक्राउ गरेको छ । मंगलबार बिहान ६ बजेर ५० मिनेटको समयमा राटोमाटे चेकपोष्ट स्थित पूर्व–पश्चिम लोकमार्ग सडकखण्डमा हेटौँडाबाट निजगढतर्फ जाँदै गरेको बा ७ च २५१० नम्बरको पिकअप गाडीबाट १ सय ११ किलो लागूऔषध गाँजा बरामद गरेको जिल्ला प्रहरी कार्यालय मकवानपुरले जानकारी दिएको छ । प्रहरीले गाडीका चालक मकवानपुरको कैलाश गाउँपालिका–२, डाँडाखर्कका ३४ वर्षीय रावल स्याङ्वोलाई पक्राउ गरेको छ । प्रहरीले गाडीको पछाडीको ढाला भित्र लुकाई छिपाई ल्याईएको १११ किलो गाँजा बरामद गरेको थियो । लागूऔषध गाँजासहित स्याङ्वोलाई नियन्त्रणमा लिई अनुसन्धान कार्य भईरहेको प्रहरीले जानकारी दिएको छ ।...

बकैया: छैठौं संस्करणको बकैया कप फुटबल प्रतियोगिता सम्पन्न भएको छ । मंगलबार सिनियर र जुनियर दुवैतर्फको फाइनल खेल सम्पन्न भएसँगै प्रतियोगिता सम्पन्न भएको हो । प्रतियोगितामा सिनियरतर्फको उपाधी ३ नम्बर वडा र जुनियरतर्फ ११ नम्बरले जितेको छ । बकैया–३ हात्तीसुंडेस्थित बकैया रंगशालामा भएको फाइनल खेलमा वडा नम्बर ९ लाई ५(० गोलले हराउँदै ३ नम्बरले प्रतियोगिताको उपाधी जितेको हो । तीन नम्बरको जितमा आयुष नेगिले ह्याट्रिक गरे । यस्तै अन्जन गोले र सुजन गुरुङले एक(एक गोल गरे । सिनियरतर्फ ३ नम्बरका सुजन गुरुङ सर्वोत्कृष्ट खेलाडी घोषित भए । यस्तै उत्कृष्ट गोलरक्षक ३ नम्बरकै सरोज भुलन, डिफेन्डर अन्जन गोले, सर्वाधिक गोलकर्ता आयुष नेगि र उत्कृष्ट प्रशिक्षक विश्वराज लामिछाने घोषित भए । यस्तै उदयमान खेलाडी ५ नम्बरका करण राना मगर, उत्कृष्ट मिडफिल्डर ९ नम्बरका विशाल भोलन र स्टाइकर अभिषेक भोलन घोषित भए । सर्...

मकवानपुरः मकवानपुर प्रहरीले लागूऔषध गाँजासहित २ जनालाई पक्राउ गरेको छ । आइतबार हेटौँडा–१९, नेवारपानीस्थित ईलाका प्रहरी कार्यालयबाट खटिएको प्रहरी टोलीले १५ किलो ६ सय ८० ग्राम लागूऔषध गाँजासहित मनहरी गाउँपालिका–३ का ४० वर्षीय बाबु बल भन्ने बहादुर बल र हेटौँडा–११ थानाभर्याङका १९ वर्षीय आशिष भन्ने सलमान गुरुङलाई पक्राउ गरेको हो । पूर्व–पश्चिम राजमार्गमा सवारी साधनहरु रोकेर सुरक्षाजाँच गर्दा नारायणगढबाट हेटौँडा हुँदै कोल्वीतर्फ जाँदै गरेको ना ५ ख ५१२९ नम्बरको यात्रुबाहक बसमा सवार बहादुर बल र सलमान गुरुङको साथबाट प्रहरीले गाँजा बरामद गरेको हो । दुबै जनालाई नियन्त्रणमा लिई मकवानपुर जिल्ला अदालतबाट ८ दिनको म्याद अनुमती लिई हिरासतमा राखेर अनुसन्धान गरिरहेको प्रहरीले जनाएको छ ।...

बागमतीः बागमती गाउँपालिका–८, फापरबारीमा डेरी सञ्चालन गर्दै आएका छिमेकी मुलुक भारतको विहार राज्यको मोतिहारीका ५५ वर्षीय शिव बालक चमार एक्कासी लडेर मृत्यु भएको छ । सोमबार दिउँसो ३ बजेको समयमा गाउँपालिकाको धनसाई डाँडाको बाटोमा हिँडिरहेका चमार एक्कासी लडेर बेहोस भएका थिए । एक्कासी ढलेका चमारलाई उपचारका लागि हेटौँडा अस्पताल पुर्याइएको थियो । हेटौँडा अस्पताल पुर्‍याएर दिउँसो ४ बजेर २५ मिनेटको समयमा चिकित्सकले स्वास्थ्यजाँच गर्दा चमारको मृत्यु भएको घोषणा गरिदिएको प्रहरीले जानकारी दिएको छ । चमारको शव हेटौँडा अस्पतालमै रहेको प्रहरीले उल्लेख गरेको छ ।...

बागमती: सातौं संस्करणको बागमती गोल्डकप राष्ट्रिय फुटबल प्रतियोगिता २०८१ आगामी फागुन १ गतेदेखि सुरु हुने भएको छ । आइतबार पत्रकार सम्मेलनको आयोजना गर्दै आयोजक बागमती गाउँपालिका खेलकुद विकास समितिले प्रतियोगिताबारे जानकारी गराएको हो । प्रतियोगिता बागमती –४ झुरझुरेस्थित पालिकाको लगानीमा निर्मित सहिद स्मृति रङशालामा हुने आयोजकले जनाएको छ । यस अघिका संस्करण जनता मावि फापरबारीको खेल मैदानमा हुदै आएको थियो । प्रतियोगितामा प्रथम टिमले नगद १० लाख र दोस्रो हुने टिमले ५ लाख रुपैंयासहित शिल्ड, मेडल र प्रमाणपत्र प्राप्त गर्ने बागमती गाउँपालिका खेलकुद विकास समितिका अध्यक्ष रहर सिंह थिङले बताउनुभयो । प्रतियोगितामा ए डिभिजन ७, मोफसलका ३ सहित १० टिमको सहभागिता रहने बताइएको छ । फागुन १ गतेदेखि १० गतेसम्म प्रतियोगिता संचालन हुनेछ । प्रतियोगितामा ७४ लाख ७३ हजार रुपैंया खर्च हुने आयोजकको अन...

मकवानपुर: मकवानपुरको मनहरी गाउँपालिकामा स्कुलको बसको ठक्करबाट एक बालिकाको मृत्यु भएको छ । मृत्यु हुनेमा मनहरी-६ स्थित नयाँबस्तीकी २ वर्षीया पुजा थिङ रहेको जिल्ला प्रहरी कार्यालय मकवानपुरले जनाएको छ । आइतबार दिउँसो ३:४० बजेको समयमा नयाँबस्तिस्थित भित्री सडकखण्डमा मनहरी बजारबाट नयाँबस्तितर्फ जाँदै गरेको मनहरी बिलिभर्स इङलिस बोर्डिङ स्कुलको ना १ क ९२५० नम्बरको बसले बालिकालाई ठक्कर दिएको थियो । बालिका थिङलाई बसले ठक्कर दिएको भन्ने खबर प्राप्त हुना साथ इलाका प्रहरी कार्यालय मनहरीबाट प्रहरी निरीक्षक बिशाल सापकोटाको कमाण्डमा टोली खटिएको थियो । ठक्करबाट शरिरको विभिन्न भागमा चोट पुगेर गम्भीर घाइते भएकी बालिकालाई उपचारका लागि हेटौंडा अस्पतालमा ल्याइएकोमा साँझ ५ बजेर १० मिनेटको समयमा डाक्टरले मृत घोषणा गरेको हो । प्रहरीले बस चालक मनहरी-७ का चन्द्र बहादुर तामाङलाई नियन्त्रणमा लिएर थप...

बकैया: छैठौं संस्करणको बकैया कप फुटबल प्रतियोगिता अन्तर्गत सिनियरतर्फको पनि फाइनल समीकरण पूरा भएको छ। आइतबार बकैया–३ हात्तीसुंडेस्थित बकैया रंगशालामा भएको दोस्रो सेमिफाइनल खेलमा वडा नम्बर ६ लाई हराएर ९ नम्बर फाइनल प्रवेश गरेसंगै प्रतियोगिताको फाइनल समीकरण पूरा भएको हो । बकैया-९ ले ६ लाई ५(० फराकिलो गोलअन्तरले हराउँदै फाइनलमा प्रवेश गरेको हो । ९ को जीतमा विशाल भोलनले खेलको २१ औं मिनेटमा, पासाङ घलानले ४० औं मिनेटमा, विशाल जिम्बाले ७६ औं मिनेटमा र अभिषेक भोलनले ५६ औं र ८० औं मिनेटमा गोल गरे । खेलको म्यान अफ द म्याच अभिषेक घोषित भए । अब वडा नम्बर ९ ले उपाधीका लागि वडा नम्बर ३ नम्बरसँग प्रतिस्पर्धा गर्नेछ । फाइनल खेल मंगलबार हुनेछ । यस्तै मंगलबार नै उपाधीका लागि जुनियरतर्फ वडा नम्बर १ र ११ बीच प्रतिस्पर्धा हुनेछ । प्रतियोगितामा सिनियरतर्फको विजेता टिमले १ लाख रुपैयाँसहित शिल्ड, मे...