ताजा समाचार

मकवानपुर: आन्दोलनरत शिक्षक र प्रहरीबीच झडप भएको छ। २६ दिनदेखि काठमाण्डौको माइतीघर–बबरमहल सडकमा प्रदर्शन गर्दै आएका शिक्षकहरूले आज निषेधित क्षेत्र तोड्न खोजेपछि झडप भएको हो । शिक्षकहरूले हिजो पनि निषेधित क्षेत्र तोड्न खोजेका थिए । तर प्रहरीले रोकेपछि धेरै जबरजस्ती गरेका थिएनन् । तर आज शिक्षकहरूले जबरजस्ती गरेपछि झडप भएको हो । शिक्षकहरूलाई रोक्न प्रहरीले पानीको फोहोरा पनि हानेको छ । प्रहरीमाथि शिक्षकहरूले ढुङ्गामुढासमेत गरेका छन् । यस्तै केही प्रहरीको लाठी चार्जबाट ६३ जना शिक्षकहरू घाइते भएका छन् । विद्यालय शिक्षा ऐन तत्काल जारी गर्न माग गर्दै शिक्षकहरू गएको चैत २० गतेदेखि काठमाण्डौ केन्द्रित आन्दोलनमा छन् । विद्यालय शिक्षा विधेयक…

मकवानपुर: प्रतिनिधिसभा सदस्य माया राईलाई ३ दिन हिरासतमा राखेर अनुसन्धान गर्न अदालतले अनुमति दिएको छ । काठमाडौँ जिल्ला अदालतका न्यायाधीश ईश्वरीप्रसाद भण्डारीले उनलाई ३ दिन हिरासतमा राखेर अनुसन्धान गर्न प्रहरीलाई अनुमति दिएका हुन् । नेपाली कांग्रेसबाट प्रतिनिधिसभामा प्रतिनिधित्व गरेकी राई शनिबार साँझ बुढानीलकण्ठ–१० कपनबाट पक्राउ परेकी थिइन् । उनीमाथि कालीमाटीस्थित स्वर्णलक्ष्मी बहुउद्देश्यीय सहकारी संस्था लिमिटेडको रकम अपचलनमा संलग्न भएको आरोप छ ।

मकवानपुर: नेकपा एमाले मकवानपुर जिल्ला कमिटीका अध्यक्ष श्रीधर पोखरेल दुर्घटनामा परेको छ । शनिबार बिहान ८ बजेको समयमा हेटौंडा-५, पुष्पलाल पार्क अगाडी ९भित्री सडक खण्डमा० आफैले चलाएको प्रदेश ३.०३.००१ प ५८०७ नम्बरको स्कुटर अनियन्त्रित भएर अध्यक्ष पोखरेल घाइते भएको जिल्ला प्रहरी कार्यालय मकवानपुरले जनाएको छ । दुर्घटना हुदाँ स्कुटर चालक अध्यक्ष पोखरेलको टाउको, निधार तथा दाँया हातमा चोट लागेको जनाएको छ । दुर्घटना भएको अवस्थामा देखेपछी स्थानीयले उद्दार गरेर उपचारको लागि हेटौंडा अस्पतालमा पुर्‍याइएको थियो । अध्यक्ष पोखरेलको अहिले आइसियु कक्षमा उपचार भइरहेको र अचेत अवस्थामा रहेको प्रहरीले जनाएको छ ।

मकवानपुर: नवनियुक्त शिक्षामन्त्रीसँग औपचारिक भेटका लागि गएको शिक्षक महासंघको टोली मन्त्रालय नै नपुगी फर्किएको छ । शिक्षामन्त्री रघुजी पन्तले आजै आन्दोलनरत शिक्षकहरूलाई वार्ताका लागि बोलाएका थिए । शिक्षक महासंघको टोली शिक्षामन्त्रीसँग भेट गर्न सिंहदरबारस्थित शिक्षा, विज्ञान तथा प्रविधि मन्त्रालय गएको थियो । तर, मन्त्रालय नपुगी टोली फर्किएको हो । समितिका अध्यक्ष लक्ष्मीकिशोर सुवेदीले यसबारे जानकारी दिएका हुन् । यसअघि शिक्षामन्त्री रघुजी पन्तको आह्वानपछि २५ जना शिक्षकको समूह वार्तामा लागि मन्त्रालय पुगेको जानकारी दिइएको थियो ।

मकवानपुर: बैशाख १८ देखि कान्तिलोकपथ दैनिक ६ घण्टा बन्द हुने भएको छ। शुक्रबार एक सूचना जारी गर्दै जिल्ला प्रशासन कार्यालय मकवानपुरले आगामी वैशाख १८ गतेदेखि जेठ १ गतेसम्म दैनिक ६ घण्टा बन्द हुने जनाएको हो । सडक निर्माण कार्य चलिरहेकोले १५ दिन बिहान १० बजेबाट साँझ ४ बजेसम्म सवारी आवागमन बन्द हुने सूचनामा उल्लेख छ । सूचना अनुसार मकवानपुरको बकैया गाउँपालिकास्थित ठिगन–बगुवा सडक खण्डमा सडकको चौडाइ विस्तारको कार्य भइरहेको छ । ठिंगन–बगुवा सडक खण्ड अन्तर्गत गंगटे नजिकैको भर्याङ डाँडामा सडकको चौडाइ विस्तारको लागि चट्टान कटानको कार्य गरिने भएकाले वैशाख १८ गतेदेखि जेठ १ गतेसम्म (१५ दिन) उक्त सडक खण्डमा बिहान…

मकवानपुर: नेकपा माओवादी केन्द्रको सहायक संगठन योङ्ग कम्युनिष्ट लिग (वाईसियल) नेपाल मकवानपुरको पाँचौ जिल्ला सम्मेलन सरेको छ । संगठनका सचीव मुक्ति लामाका अनुसार बैशाख १३ गते हेटौंडामा हुने भनिएको सम्मेलन विविध कारणले बैशाख २२ गते हुने भएको हो । जिल्ला सम्मेलनको तयारी तिव्र भइरहेको सचीव लामाको भनाइ छ । उहाँका अनुसार सम्मेलनमा ३ सय भन्दा बढी प्रतिनिधिहरु सहभाग हुनेछन् । सममेलनले आगामी कार्यकालको लागि ११ जना पदाधिकारी सहित ७१ सदस्यीय जिल्ला कार्यसमिति चयन गर्नेछ ।

मकवानपुर: मकवानपुरको मनहरी गाउँपालिकामा मोटरसाइकलको ठक्करबाट एक महिलाको मृत्यु भएको छ । बिहीवार राती ८ बजेर ३५ बजेको समयमा मनहरी-७, स्थित पुर्व पश्चिम सडकखण्डमा मोटरसाइकलको ठक्करबाट पहिचान नखुलेको एक महिलाको मृत्युु भएको हो । मनहरीबाट सुनाचुरीतर्फ जाँदै गरेको बा ६२ प १११४ नम्बरको एनएस मोटरसाइकलले अन्दाजी ६०-६१ वर्षीय महिलाले बाटो क्रस गर्ने क्रममा ठक्कर दिएको थियो । दुर्घटना भएको भन्ने खब्र प्राप्त हुनासाथ घटनास्थलमा इलाका प्रहरी कार्यालय मनहरीबाट प्रहरी निरीक्षक विशाल सापकोटाको कमाण्डमा टोली खटिएको थियो । प्रहरीले घाइतेलाई उद्दार गरी उपचारको लागि मनहरी अस्पतालमा पठाएर थप उपचारको लागि हेटौँडा अस्पताल पठाइएकोमा राती ९ बजेर ४२ मिनेटको समयमा डाक्टरले मृत…

मकवानपुर: मकवानपुर प्रहरीले ७ हजार ५ सय क्याप्सुल लागूऔषध ट्रामाडोल २ जनालाई पक्राउ गरेको छ । पक्राउ पर्नेमा बाराको पचरौता नगरपालिका-७ का २५ को तिर्थलाल पासवान र सह-चालक सोही ठाउँका २३ वर्षीय सुनिल पटेल रहेको प्रहरीले जनाएको छ । बिहीवार बिहान ९स्३० बजेको समयमा प्रहरी चौकी रातोमाटे मकवानपुरबाट खटिएको प्रहरी टोलीले हेटौंडा-१५, रातोमाटे चेकप्वाईन्टस्थित पुर्व-पश्चिम सडकखण्डमा सवारी साधनहरू रोकी चेकजाँच गर्ने क्रममा बाराको सिम्ररौनगढबाट हेटौंडातर्फ आउँदै गरेको मधेश प्रदेश ०२-००१ च १४३८ नम्बरको योद्धा पिकअप गाडीको चालक पासवान र सह(चालक पटेललाई शंका लागेर खानतलासी गर्दा गाडीको अगाडीको ईन्जिन भएको भागमा लुकाएर ल्याएको अवस्थामा उक्त लागूऔषध फेला परेको थियो । प्रहरीले…

‎‎बकैयाः मकवानपुरको बकैया गाउँपालिका र दक्षिण कोरियाको बुय–गुन पालिकाबिच भगिनी सम्बन्ध कायम गरिने भएको छ । ‎कोरियन कल्चर सेन्टरका प्रतिनिधि मुन यङ सुसहितको प्रतिनिधिहरुसँग बकैया गाउँपालिकामा बुधबार छलफलसहित बकैया गाउँपालिका र बुय–गुन पालिकाबिच भगिनी सम्बन्ध कायम गर्न प्रस्ताव गरिएको हो । ‎बकैया गाउँपालिका र बुय–गुन पालिकाबिच बकैया गाउँपालिकालाई कृषि, पर्यटन, शिक्षा र प्रविधि हस्तान्तरणको क्षेत्रमा सहयोग गर्ने गरी भगिनी सम्बन्ध कायम गर्न लागिएको बकैया गाउँपालिकाका अध्यक्ष धर्मराज लामिछानेले जानकारी दिनुभयो ।‎सो अवसरमा कोरियन कल्चर सेन्टरका अध्यक्ष मुन यङ सुलाई भगिनी सम्बन्ध कायम गर्नका लागि सहजीकरण गरिदिन अनुरोध गर्ने निर्णयसहित बकैया गाउँपालिकाका अध्यक्ष लामिछानेले कोरियन कल्चर सेन्टरका प्रतिनिधि अनुरोधपत्र हस्तान्तरण गर्नुभयो…

मकवानपुर: कक्षा १२ को परीक्षा स्थगित भएको छ। शिक्षकहरूले आन्दोलन चर्काउँदै लगेपछि राष्ट्रिय परीक्षा बोर्डले वैशाख ११ देखि तय गरिएको परीक्षा स्थगित गरेको हो । प्रधानमन्त्री केपी शर्मा ओलीले बोर्डका अध्यक्ष महाश्रम शर्मालाई परीक्षा सार्न निर्देशन दिएका थिए। प्रधानमन्त्री निवास बालुवाटारमा छलफलका क्रममा प्रधानमन्त्री ओलीले अध्यक्ष शर्मालाई परीक्षा सार्न निर्देशन दिएका थिए। प्रधानमन्त्रीको निर्देशनपछि बोर्डको बैठक बसी परीक्षा स्थगित गरिएको बोर्डले जनाएको छ।