बागमतीः बागमती गाउँपालिकामा छाती रोग सम्बन्धी निशुल्क एक्स–रे सेवा भोलि बुधबारदेखि सञ्चालन हुने भएको छ । गाउँपालिकाको स्वास्थ्य शाखाको आयोजनामा दुई दिन निशुल्क रुपमा उक्त सेवा सञ्चालन हुन लागेकोे हो ।
पालिकाको स्वास्थ्य शाखाका प्रमुख दिनेश गुप्ताका अनुसार भोलि र पर्सि उक्त सेवा सञ्चालन हुनेछ । उहाँका अनुसार भोलि बुधबार राईगाउँ स्वास्थ्य चौकीमा र दोस्रो दिन पर्सि फापरबारीस्थित बेतिनी स्वास्थ्य चौकीबाट सेवा प्रवाह हुने प्रमुख गुप्ताले बताउनुभयो ।
बिहान ९ बजेदेखि ४ बजेसम्म उपस्थित भएर सेवा लिन सकिने उहाँले बताउनुभयो । उक्त दिन दम, खोकी तथा छाती रोगको पनि चेकजाँच गर्न सकिने जनाएको छ । आफ्नो घरपरिवारमा उक्त समस्या भएका व्यक्तिहरु भएमा लिएर आई सेवा लिन पनि उहाँले अनुरोध गर्नुभयो ।
