सिन्धुली । मकवानपुरको बकैया गाँउपालिका वडा नं. ३ हात्तिसुँडे स्थित बुद्ध मा.वि.का प्रधानाध्यापक प्रेम बहादुर बोम्जनमाथी अज्ञात समूहद्वारा गोली प्रहार भएको छ ।
बागमती गाउँपालिका वडा न.१ वोटगाँउ निवासी प्रधानाध्यापक बोम्जनमाथी सर्लाहीबाट मकवानपुर घरतर्फ आउने क्रममा आज दिउँसो करिव साँढे २ बजेको समयमा सिन्धुलीको हरिहरपुरगढी गाँउपालिका वडा नं. ६ झप्सीमा आईपुग्दा अज्ञात समूहद्वारा गोली प्रहार भएको हो ।
घाईते बोम्जनसंग फोन सम्पर्क गर्दा अज्ञात समूहले ज्यान मार्ने नियतले टाउकोमा गोली प्रहार गरेको बताए । टाउकोमा गोली प्रहार गरेपनि हेलमेटमा चिप्लीएर मुखमा लागेको र गोली अहिले पनि मुख भित्रै रहेको घाईतेले बताए । गोली प्रहार पछि घटना घटाउने समुहका ३ जना अज्ञात व्यक्तिहरु तुरुन्त घटना स्थलबाट अन्यत्र भागेको घाईते बोम्जनले जानकारी गराए ।
घाईते प्र.अ. बोम्जनको सर्लाहीमा उपचार सम्भव नभए पछि थप उपचारका लागि विरगंज लगिएको बताईएको छ ।
