बागमती: मकवानपुरको बागमती गाउँपालिका वडा नम्बर-४ स्थित झुरझुरेमा निर्माणधिन रंगशालामा श्रमदान गरिएको छ । 
आज सोमबार विहान गाउँपालिका अध्यक्ष सर्केश घलानको नेतृत्वमा रंगशालामा झार सरसफाइ र रंगशाला कम्पाउण्ड बाहिर ढुङ्गा फाल्न श्रमदान गरिएको हो ।
बिहान ६ बजेदेखि १० बजेसम्म भएको श्रमदानमा ५० जनाभन्दा बढी सहभागी भएका थिए । आफ्नै लगानीमा रंगशाला निर्माण गरेको गाउँपालिकाले निर्माणको सुरुवाती चरणदेखि श्रमदान आयोजना गर्दै आइरहेको छ ।
गाउँपालिकाले सार्वजनिक विदाको अवसरमा पालिकाभित्रका सार्वजनिक स्थलहरुमा श्रमदान आयोजना गर्दै आइरहेको छ । प्याराफिट सहित निर्माण भएको रंगशालामा सातौं संस्करणको बागमती गोल्डकपसमेत आयोजना गर्ने गरि तयारी अगाडी बढाएको गाउँपालिकाका अध्यक्ष सर्केश घलानले बताउनुभयो । गोल्डकप आगामी फाल्गुनमा आयोजना गर्ने कार्यतालिका छ ।
सोमबार भएको श्रमदानमा वडा नम्बर ३ का वडाध्यक्ष कमान सिंह पाख्रिन, ४ नम्बर वडाध्यक्ष दन्तलाल माझी, ५ नम्बर वडाध्यक्ष विजय भोलन, नेकपा माओवादी केन्द्र बागमती गाउँ कमिटीका इन्चार्ज ज्ञान सागर भोलन र बागमती खेलकुद विकास समितिका अध्यक्ष रहर सिंह थिङ लगायत उपस्थित रहेको थियो ।
