हेटौँडाः मकवानपुर जिल्ला लिग फुटबल प्रतियोगिता अन्तर्गत बागमती गाउँपालिकाको सहिद स्मृत क्लब सेमिफाइनलमा प्रवेश गरेको छ । आज मंगलवार भएको क्वाटरफाइनल खेलमा गोरखा ब्वाइज क्लवलाई २-० गोलले हराउँदै सहिद स्मृति सेमिफाइनमा प्रवेश गरेको क्लब अध्यक्ष एवम् मकवानपुर जिल्ला फुटबल संघका वरिष्ठ उपाध्यक्ष अरुण बलले जानकारी दिनुभयो ।
सहिद स्मृतिको जीतमा उप्रान्त आले मगर र मेषक राईले एक-एक गोल गरे । खेलको म्यान अफ द म्याच राई घोषित भए । सेमिफाइनमा प्रवेश गरेको सहिद स्मृतिले अब सेमिफाइनलमा न्यु कम्बाइनसँग बिहिबार खेल्नेछ । जारी लिगमा स्मृतिले आफ्नो अपराजित यात्रालाई कायमै राखेको छ । मंगलबार सहिद स्मृतिलाई हौसला दिन हेटौंडा-५ स्थित पिप्ले क्याम्पा रंगशालामा बागमतीका समर्थकहरुको उपस्थिति बाक्लो थियो ।
