एकीकृत अखिल नेपाल शिक्षक सङ्गठन जिल्ला समन्वय समिती मकवानपुर,महिला बिभागले नेपाली महिला हरुको महान पर्व हरितालिका तिजको उपलक्ष्यमा शुभकामना आदानप्रदान तथा सांकृतिक कार्यक्रम गरेको छ ।
बागमती प्रदेशसभा सदस्य एवम् नेकपा माओवादी केन्द्रकी केन्द्रिय सदस्य कुमारी मोक्तानको प्रमुख आतिथ्यतामा कार्यक्रम भएको हो । कार्यक्रममा बोल्दै प्रमुख अतिथि मोक्तानले समाज परिवर्तनमा शिक्षकको भूमिका महत्वपूर्ण रहेको बताउनुभयो । महिला प्रधानाध्यापकले नेतृत्व गरेका विद्यालय शैक्षिक गुणस्तर कायम राख्दै उत्कृष्ट बन्नेमा उहाँले विश्वास व्यक्त गर्नुभयो ।
कार्यक्रमा हेटौंडा उपमहानगरपालिका र बागमती गाउँपालिकाका विभिन्न विद्यालयका १० जना महिला प्रधानाध्यापकहरुलाई सम्मान गरिएको थियो । सृजना पौडेलको संयोजकत्वमा १५ सदस्यीय एकीकृत अखिल नेपाल शिक्षक सङ्गठन मकवानपुर जिल्ला महिला विभाग गठन गरिएको छ । कार्यक्रममा अन्य विभिन्न संघ– संगठनका त्यागेर शिक्षकहरु एकीकृत अखिल नेपाल शिक्षक सङ्गठनमा प्रवेश गरेका थिए ।
एकीकृत अखिल नेपाल शिक्षक सङ्गठन जिल्ला समन्वय समिती मकवानपुरका सचीव तथा महिला विभाग÷कार्यक्रम संयोजक कमला आचार्यको सभाध्यक्षतामा भएको कार्यक्रममा नेकपा माओवादी केन्द्र केन्द्रिय सदस्य तथा मकवानपुर जिल्ला इन्चार्ज बिजय गौतम, केन्द्रिय सदस्य प्रमिला लामा(पुलामी), बागमती प्रदेश समिती उपाध्यक्ष प्रेमबहादुर पुलामी मगर(छिन्तु), प्रदेश सचिवालय सदस्यहरु सर्केश घलान,भीम पाख्रीन, ललित बहादुर घलान, लक्ष्मी पाख्रीन,प्रदेश सदस्य लक्ष्मी माझी,एकीकृत नेकपा माओवादी केन्द्र हेटौंडा उपमहानगरपालिका समिती अध्यक्ष तिर्थ बहादुर थापा,उपाध्यक्ष प्रदिप अर्याल, अखिल नेपाल शिक्षक सङ्गठन जिल्ला समन्वय समिती अध्यक्ष वसन्त राई, ए.अ.ने.शि.सङ्गठन केन्द्रिय परिषद सदस्य भोगेन्द्र लुइँटेल,सङ्गठन पुर्व जिल्ला अध्यक्ष परशुराम गौतम, मकवानपुरका १० वटै स्थानीय तहका ए.अ.ने.शि.सङ्गठनका अध्यक्ष ÷प्रतिनिधि लगायतको उपस्थिती थियो ।
