जनयुद्ध दिवसको अवसरमा बागमती गाउँपालिकाले दियो, सार्वजनिक विदा

मकवानपुरको बागमती गाउँपालिकाले जनयुद्धको अवसरमा सार्वजनिक विदा दिएको छ l गत बिहिबार पालिकाले सूचना जारी गर्दै फागुन १ गते जनयुद्ध दिवसको सार्वजनिक विदा दिएको हो l

बागमती गाउँपालिकाको माघ १४ गतेको कार्यपालिका बैठकले एक दिन सार्वजनिक विदा दिने निर्णय गरेको थियो l

“फागुन १ गतेलाई बागमती गाउँपालिकाले जनयुद्ध दिवसको रुपमा मनाउने र उक्त दिन जनयुद्ध दिवसको अवसरमा यस गाउँपालिका भित्रका सम्पूर्ण सार्वजनिक कार्यालय, शैक्षिक संस्था एवम् बैंक तथा वित्तिय संस्थाहरुमा विदा  दिने सम्बन्धमा यस गाउँपालिका गाउँ कार्यपालिकाको मिति २०८०/१०/१४ गते निर्णय भएको हुँदा सम्बन्धित सबैको जानकारीको लागि यो सूचना प्रकाशित गरिएको छ” भनी सूचनामा लेखिएको छ l

गाउँपालिकाले जनयुद्ध दिवसको अवसरमा सार्वजनिक विदा दिएको यो पहिलो पटक हो l