आशिष् बल
बागमती, सन्देश ।
पुर्वी मकवानपुरकाे बागमती गाँउपालिका वडा नं ४ स्थित झुरझुरेमा सहिद स्मृति फुटबल स्टेडियमकाे आज शिलान्यास कार्यक्रम सम्पन्न भएकाे छ ।
बागमती गाउँपालिका वडा नम्बर ४ स्थित रहेको झुरझुरे खेलमैदानको प्याराफिट स्टुडियम निर्माण कार्यको बागमती गाउँपालिका अध्यक्ष सर्केश घलान ज्यु बाट आज शिलान्यास गर्नुभएको छ ।
आर्थिक वर्ष २०८०/०८१ को कार्यक्रमको अनुमानित लागत ४ करोड रहेकोमा ३ करोड ९ लाख रुपैयाँमा ठेक्का सम्झाैता भएकाे वताएकाे छ । निर्माणकाे जिम्मा सन्जय निर्माण सेवा प्रा.ली. हेटौंडा लाई परेको छ । सम्झाैतामा २०८१ पौष ४ गते सम्म सम्पन्न गर्नु पर्ने उल्लेख छ ।
शिलान्यास पश्चात् अध्यक्ष घलानले समयमै काम सकाउन र गुणस्तरीय कार्य गर्न संजय निर्माण सेवाका प्रतिनिधिलाई सुझाव समेत दिनुभयो ।
कार्यक्रममा बागमती गाउँपालिका प्रशासकीय प्रमुख झम्क नारायण घलान, बागमती -४ का अध्यक्ष दन्तलाल माझी,बागमती -५ का वडा अध्यक्ष बिजय कुमार भोलोन, पुर्व वडा अध्यक्ष रहर सिङ थिङ, नेकपा माओवादी केन्द्रको बागमती प्रदेश परिषद सदस्य ज्ञान सागर भोलोन, प्राविधिकहरु, मनोज बल, वीर बहादुर थिङ र खेलाडीहरुको सयुक्त उपस्थितिमा शिलान्यास कार्यक्रम सम्पन्न भएको थियो ।
