मकवानपुर l अखिल नेपाल खेलकुद महासंघ बकैया तथा सहिद स्मृति शान्ति वाटिकाको आयोजनामा आगामी कार्तिक २१ गते बाट सहिद स्मृति अन्तरपालिका स्तरीय खुला नकाउट पुरुष फुटबल प्रतियोगिता हुने भएको छ । गत कार्तिक १४ गते महासंघले सूचना जारी गर्दै प्रतियोगिता सम्बन्धि जनकारी गराएको छ ।
प्रतियोगिता बकैया ४ स्थित जुरेली खेल मैदानमा हुने सूचना उल्लेख छ l टिम दर्ता कार्तिक १८ गतेसम्म गरिसक्नु पर्नेछ l प्रतियोगिता कार्तिक २१ गतेदेखि २७ गतेसम्म संचालन हुनेछ l
प्रतियोगिताको विजेताले एक लाख र उपविजेताले ५० हजार रुपैयाँ सहित ट्रफी मेडल र प्रमाणपत्र प्राप्त गर्ने बताइएको छ । यस्तै प्रतियोगिताको सर्वोत्कृष्ट खेलाडीले १० हजार रुपैयाँ तथा अन्य विधागत उत्कृष्ट खेलाडीले ५ हजार रुपैयाँ सहित ट्रफी र मेडल प्राप्त गर्ने आयोजकले जनाएको छ । म्यान अफ द म्याच घोषित हुने खेलाडीले नगद २ हजार रुपैयाँ, ट्रफी र मेडल प्राप्त गर्नेछ l
