तेस्रो राष्ट्रिय माझी गोल्डकप फुटबल प्रतियोगितामा आज दुई खेल भएको छ ।
प्रतियोगितामा बारा र सिन्धुली-सि ले विजयी सुरुवात गरेका हुन् । मरिण गाउँपालिका वडा न ७ स्थित बाह्रविसेको खेल मैदान भएको पहिलो खेलमा बारा विजयी भएको छ । बाराले झापालाई १ –० गोलको अन्तरले हराएको हो ।
खेलमा बाराको लागि रबिन माझीले १ गोल गरे । खेलमा उत्कृष्ट प्रर्दशन गर्दै बारा रबिन माझीलाई म्यानअफ द म्याच घोषित भएका छन् ।
यस्तै आजै भएको दोस्रो खेलमा सिन्धुली-सि विजयी भएको छ । सिन्धुली-सि र बिच भएको खेल ०–० को बराबरीमा सकिएपछि खेल ट्राईबे्रकरमा पुगेको हो । पेनाल्टि सुटआउटमा ५-४ अन्ताराले सिन्धुली-सि विजयी भएको हो । खेलमा उत्कृष्ट प्रर्दशन गर्दै सिन्धुली-सि इन्द्रजङ माझीलाई म्यानअफ द म्याच घोषित भएका छन् ।
प्रतियोगितामा २३ वटा टीमको सहभागिता रहेको छ । प्रतियोगिताको विजेताले ट्रफि सहित २ लाख ६५ हजार ५ सय ५५ रुपैयाँ र उपविजेताले १ लाख ३२ हजार २ सय २२ रुपैयाँ र तेस्रो हुनेले ६६ हजार ६ सय ६६ रुपयाँ नगद पुरस्कारसहित शिल्ड, मेडल तथा प्रमाण पत्र प्राप्त गर्ने आयोजक नेपाल माझी उत्थान संघ सिन्धुलीका अध्यक्ष बबिन्द्रलाल माझीले जानकारी दिए ।
