बागमती सन्देश
बागमती, मकवानपुर ।
शुक्रवार ०३ कार्तिक । मकवानपुर जिल्लाको बागमती गाउँपालिका वडा नम्बर २ स्थित राईगाउँका अति गरिब तथा विपन्न परिवारलाई खाधान्न सामग्री वितरण गरिएको छ ।
बागमती- २ का वडा अध्यक्ष जनक बहादुर पहरीले आज शुक्रबार राईगाउँ स्थित वडा कार्यलयमा एक कार्यक्रमका साथ वडाका १२० परिवारलाई खाधान्न वितरण गरिएकाे सामाजिक अभियन्ता राज कुमार सिञ्चुरीले जानकारी दिनुभएकाे हाे।
२ नं. वडा भरिका अति गरिब तथा विपन्न १२० परिवारलाई प्रति परिवार २५ किलोको एक बोरा चामल, एक लिटर खाने तेल, १ किलो नुन र २ किलो चिउरा वितरण गरेका हुन् ।
बडा दशैंलाई मध्यनजर गर्दै सवैकाे परिवारमा हाँसी खुसी र मिठाे मसिनाेकाे कमी नहाेस भन्ने हेतुले अति गरिव तथा विपन्न परिवारलाई सहयोग गरिएकाे वडाअध्यक्ष पहरिले बताउनुभयाे ।
२ नं. वडाध्यक्ष पहरीकाे सभाध्यक्षमा भएकाे कार्यक्रममा ३ नं. वडाध्यक्ष एवम् सामाजिक विकास संयाेजक कमान सिं पाख्रिन र ४ नं. वडाध्यक्ष एवम् भाैतिक पुर्वाधार संयाेजक दन्तलाल माझीले मन्तव्य राखिएकाे थियाे ।
कार्यक्रममा वडा सदस्यहरु राजु तितुङ लामा, कृष्ण बहादुर श्रेष्ठ, सनिमाय जिम्बा, ३ नं. पुर्व वडा अध्यक्ष बल बहादुर पाख्रिन लगाएतकाे उपस्थिति रहेकाे थियाे ।
