प्रमाेद प्रतीक
बागमती सन्देश, २७ अशाेज ।
बागमती, मकवानपुर ।
मकवानपुरकाे बागमतीमा आज शनिवार भएकाे एक दिवसीय मैत्रीपुर्ण फुटबल खेलमा कर्मचारी तर्फ बागमती गा.पा. प्रथम भएकाे छ । यता जनप्रतिनिधि तर्फकाे खेल भने बराबरीमा सकिएकाे छ । बागमती गाँउपालिकाले विजया दशमीकाे अवसर पारेर शुभकामना आदन-प्रदान तथा अन्तरपालिका स्तरीय जनप्रतिनिधि-जनप्रतिनिधि र कर्मचारी-कर्मचारी बीचकाे मैत्रीपुर्ण खेलकाे आयाेजना गरिएकाे थियाे ।
बागमती-४ स्थित झुरझुरे खेल मैदानमा भएकाे खेलकाे अन्तिम चरणमा कर्मचारी तर्फ बागमती गा.पा.ले हरिहरपुरगढी गा.पा.लाई २-१ गाेलले पराजित गरिएकाे थियाे भने जनप्रतिनिधि तर्फ हरिहरपुरगढी र बकैया विचकाे खेल बराबरीमा सकिएकाे थियाे ।
आयाेजकले मकवानपुरकाे १, सिन्धुलीकाे २ र काभ्रेका १ गरि ४ वटा पलिकालाई निमन्त्रणा गरिएकाे थियाे । तर जनप्रतिनिधि तर्फ सिन्धुलीकाे हरिहरपुरगढी गाउँपालिका, मकवानपुरको बागमती गाँउपालिका र बकैया गाउँपालिका गरी तीन समुहकाे सहभागीता रहेकाे थियाे भने कर्मचारी तर्फ काभ्रेकाे खानीखाेला गाउँपालिका, सिन्धुलीकाे हरिहरपुरगढी गाउँपालिका र मकवानपुरको बकैया र बागमती गाउँपालिका गरी जम्मा चार समुहकाे सहभागीता रहेकाे थियाे ।
खेलकाे पहिलाे चरणमा हरिहपुरगढीले बकैयाका कर्मचारी समुहलाई ३-० गाेल अन्तरले र दाेस्राे खेलमा बैकयाले बागमतीका जनप्रतिनिधिकाे समुहलाई ३-२ गाेल अन्तरले पराजित गर्दै दुबै टीम फाइनलमा प्रवेश गरेका थिए ।
प्रतियाेगिताकाे तेस्राे खेलमा बागमतीले खानीखाेलाका कर्मचारी समुहलाईलाई ३-० गाेल अन्तरले पराजित गर्दै फाइनलमा प्रवेश गरेकाे थियाे ।
बागमती गाउँपालिकाकाे अध्यक्ष सर्केश घलानकाे अध्यक्षतामा भएकाे प्रतियाेगितामा शुभकामना आदन-प्रदानका साथै खेलमा सहभागी समुहहरुलाई मायाकाे चिनाे मकवानपुरकाे चिनारी काठकाे ठेकी प्रदान गरिएकाे थियाे ।
