मकवानपुर l हिन्दु नेपाली नारीहरुको महान चाड हरितालिका तीजको अवसरमा एकीकृत अखिल नेपाल शिक्षक संगठन महिला विभाग मकवानपुरले तीज विशेष शुभकामना आदानप्रदान कार्यक्रम गर्ने भएको छ l
कार्यक्रम भोली शनिबार हेटौंडा ४ स्थित हेटौंडा पार्टी प्यालेमा हुने संगठनका जिल्ला सचिवालय सदस्य संदेश तुम्सिङले जानकारी दिनु भयो l
बागमती प्रदेश सामाजिक विकास मन्त्री मा. कुमारी मोक्तानको प्रमुख आतिथ्य रहने सो कार्यक्रम संगठनको महिला विभागको आयोजना तथा नगर कार्यसमिति हेटौंडाको व्यवस्थापनमा हुन लागेको सचिवालय सदस्य तुम्सिङले बताउनु भयो l
संगठनको महिला विभाग प्रमुख सिर्जना पौडेलको संयोजकत्वमा हुने सो कार्यक्रममा संगठनमा आवद्ध मकवानपुर जिल्लामा कार्यरत महिला शिक्षिकाहरुको उपस्थिति रहने सदस्य तुम्सिङले जानकारी गराउनु भयो l
एकीकृत अखिल नेपाल शिक्षक संगठन नेकपा (माओवादी) पार्टी निकट संगठनको रुपमा चिनिन्छ l
