मकवानपुरको बामगती गाउँपालिका स्थित बागमती नदीमा डुबेर एक बालकको मृत्यु भएको छ । मृत्यु हुनेमा बागमती गाउँपालिका वडा नं. ४ पाल्पाली बस्ने ८ बर्षीय निशान बल रहेकाे छ ।
उनको पौडी खेल्ने क्रममा डुबेर मृत्यु भएको बामगती प्रदेश प्रहरी कार्यालय हेटौंडाले जनाएको छ । ४ नं. वडाअध्यक्ष दन्त लाल माझीका अनुसार निशान बुधबार दिउँसो साथीहरुसंग बागमती नदिमा पौडी खेल्ने गएका थिए ।
घटनास्थलबाट प्रहरीले कानुनी प्रक्रिया पुरा गरी शव पोष्टमार्टमका लागि हेटौंडा अस्पताल पुर्याएको छ । शव पोष्टमार्टम पछि परिवारलाई जिम्मा लगाईने प्रहरीले जनाएको छ ।
