मकवानपुरको बकैया गाउँपालिकाले सूर्ती र मदिराजन्य पदार्थ सेवनमा रोक लगाउने भएको छ । गाउँपालिकाका अध्यक्ष धर्मराजलामिछानेले सुचना जारी गरी पालिकालाई लागुऔषध मुक्त स्थानीय तहको रुपमा स्थापित गर्न आउँदो साउन १ गते सोमबारबाट सूर्ती रमदिरा सेवनमा रोक लगाउन लागिएको हो ।
गाउँ कार्यपालिकाको निर्णय अनुसार कानुनद्वारा निषेधित र नियन्त्रित लागुपदार्थहरु जस्तो गाँजा, चरेस, अफिम, भाङ, सुईद्वारा प्रयोगगरिने लागुपदार्थ, ट्यावलेटको माध्यमबाट प्रयोग गरिने, पाउडरको माध्यमबाट प्रयोग गरिने, मदिराजन्य जाँड, रक्सी, छ्याङ, तुम्बा, निगार लगायत र सुर्तीजन्य लागु पदार्थहरु श्रावण १ गतेबाट पालिकाको क्षेत्रभित्र ओसार–पसार, बिक्री वितरण तथा प्रयोग गर्न पूर्णरुपमा निषेध गरिएको अध्यक्ष लामिछानेले सुचनामार्फत बकैंयावासीहरुलाई जानकारी गराएका छन् ।
सुचनाको बेवास्ता गरी सूर्ती र मदिराजन्य पदार्थ प्रयोग, ओसार–पसार र बिक्री वितरण गरेको पार्ईए उल्लेखित सामाग्रीहरु जफतसंगैकानुन अनुसार कारवाही समेत गरिने जनाएको छ । पालिका भित्र सार्वजनिक पद धारण गरेका जनप्रतिनिधि, कर्मचारी, शिक्षकलगायतले सूचनाको वेवास्ता गरी लागुपदार्थको प्रयोग गरेको पाईएमा दोब्बर सजाय हुने समेत सूचनामा उल्लेख छ ।
