बागमती । मकवानपुरमा रुखबाट खसेर एक महिलाको घटनास्थलमै मृत्यु भएको छ । मकवानपुरको बागमती गाउँपालिका वडा नम्बर ४ झुरझुरे निवासी ५५ वर्षकी जुनकिरी माया गोलेको रुखबाट खसेर मृत्यु भएको हो ।
उनी आज बिहान १० बजेर १५ मिनेटमा घाँस गएकी थिईन् । सांजको रुखमा चढेर घाँस झार्ने क्रममा उनी खसेकी थिइन् । रुखबाट खसेको केहि क्षणमै उनको घटनास्थलमै मृत्यु भएको झुरझुरे चौकीका प्रमुख असई नारायण भण्डारीले जानकारी दिए ।
गोले घरभन्दा ७ सय मिटर पर पाखो जंगलमा घाँस काट्न गएकी थिइन् ।
