पुर्वी मकवानपुरकाे बागमती गाँउपालिकामा यहि माघ २८ गते देखि पालिका स्तरीय राष्ट्रपति रनिङशिल्ड प्रतियाेगिता सुरु हुँदैछ । पालिका स्तरीय राष्ट्रपति रनिङशिल्ड प्रतियाेगिता २७ गतेबाट हुने भनिएकाेमा प्रतियाेगिता व्यवस्थापन तथा निर्देशन समितिकाे गत माघ २५ गते बसेकाे बैठकले माघ २८ गतेबाट प्रतियाेगिता सञ्चालन गर्ने निर्णय गरेकाे हाे । प्रतियाेगिताकाे उद्घाटन खेल २८ गते विहान ९ वजे हुने भएकाे छ ।
बागमती- ४, झुरेझुरे स्थित पालिकाकाे खेल मैदानमा माघ २८, २९ र फागुन १ गरि तीन दिन सञ्चालन हुने समितीका सदस्य प्रमाेद राईले जानकारी दिनुभएकाे छ । सहभागिता जनाउन विद्यालयलाई माघ २० गतेसम्ममा पालिकामा सम्पर्क गर्न जानकारी गरिएकाे छ ।
प्रतियाेगितामा कक्षा १२ सम्मका १८ वर्ष मुनिका विद्यार्थीले मात्र सहभागिता जनाउन सकिने जनाईएकाे छ । छात्र र छात्रा दुवै तर्फ भलिवल, कबड्डी, एथलेटिक्स र मार्सल आर्टका खेलहरुमा विद्यार्थीले प्रतिस्पर्धा गर्नेछन । छनाैट भएका विद्यार्थीहरुले जिल्ला स्तरीय राष्ट्रपति रनिङशिल्डमा सहभागिता जनाउन सकिनेछ ।
गत बर्ष बागमती गाँउपालिकाले प्रतियाेगिता सञ्चालन नगरेका कारण जिल्लास्तरीय राष्ट्रपति रनिङशिल्डमा सहभागी हुन पाएका थिएनन् । यसअघि हेटाैडा उपमहानगरपालिका, ईन्द्रसराेवर र भीमफेदी गाँउपालिकाले राष्ट्रपति रनिङशिल्ड प्रतियाेगिताकाे आयाेजना गरिसकेकाे छ ।
