बागमती । संकटा क्लब मकवानपुरको बागमती गाउँपालिकामा जारी पाँचौ बागमती गोल्डकपको सेमिफाइनलमा प्रवेश गरेको छ । आज भएको खेलमा संकटाले नेपाल एपीएफलाई १-० गोल अन्तरले पराजित गरेको हो ।
खेलको पहिलो हाफसम्म पनि दुबै टिमबीच गोल हुन सकेन । दोस्रो हाफको ४० औं मिनेटमा मेसुके ओलुमौ को गोल नै संकटाका लागि निर्णायक बन्यो ।
आजको खेलमा म्यान अफ दि म्यच उनै मेसुके ओलुमौ भएका छन् । उनले नगद ५ हजार नगद पुरस्कार प्राप्त गरेका छन् ।
आजको खेल संकटाले जितेसंगै समीकरण पूरा भएको छ । भोलेदेखी सेमिफाइनलका खेल सुरु हुनेछ । भोलिको पहिलो खेलमा भुटनिज युथ स्पोर्ट्स क्लब र जावलाखेल युथ क्लबबीच खेल हुनेछ । त्यस्तै माघ १ गते हुने दोस्रो खेलमा संकटा र मकवानपुर -११ बीच खेल हुनेछ ।
प्रतियोगिताका विजयी टिमले नगद ८ लाख र उपविजेताले ४ लाख रुपैयाँ पुरस्कार प्राप्त गर्नेछ्न्। माघ ३ गतेसम्म हुने खेल्नमा ७ विभागीय टिम, राष्ट्रिय र अन्तर्राष्ट्रिय गरि १० टिमको सहभागिता रहेको छ ।
