हेटौंडा । प्रतिनिधिसभा र प्रदेशसभा निर्वाचनमा मकवानपुरबाट बिजयी भएका उम्मेदवारहरुलाई आज प्रमाणपत्र वितरण गरिएको छ । मुख्य निर्वाचन अधिकृतको कार्यालय हेटौंडाले सोमबार एक कार्यक्रमको आयोजना गरी बिजयी उम्मेदवारहरुलाई प्रमाणपत्र वितरण गरिएको हो ।
कार्यक्रममा मुख्य निर्वाचन अधिकृत ऋषिराम निरौलाबाट प्रतिनिधिसभा क्षेत्र नम्बर १ का उम्मेदवार दिपक बहादुर सिंह र प्रदेशसभा (क) का बिजयी उम्मेदवार प्रेम बहादुर पुलामी (छिन्तु) र (ख) का बिजयी उम्मेदवार एकालाल श्रेष्ठलाई प्रमाण वितरण गर्नुभएको थियो । त्यसैगरी निर्वाचन अधिकृत मुकुन्दहरी पौडेलबाट प्रतिनिधिसभा क्षेत्र नम्बर २ का बिजयी उम्मेदवार महेश बर्तौला र प्रदेशसभा (क) का बिजयी उम्मेदवार कुमारी मोक्तान र (ख) का बिजयी उम्मेदवार ईन्द्र बहादुर बानियाँलाई प्रमाणपत्र वितरण गर्नुभयो ।
निर्वाचन अधिकृत तिर्थराज भट्टराईले स्वागत मन्तव्य राख्नुभएको कार्यक्रममा प्रमुख जिल्ला अधिकारी राजेन्द्रदेव पाण्डे, जिल्ला समन्वय समिति मकवानपुर अध्यक्ष ललित घलान, प्रमुख सचिव मुकुन्द प्रसाद निरौला लगायतले मन्तव्य राख्नुभएको थियो ।
