हेटौंडा । मकवानपुरमा प्रतिनिधिसभा क्षेत्र नम्बर–१ मा राप्रपाका उम्मेदवार दीपकबहादुर सिंह बिजयी भएका छन । बिहिबार मध्यान्ह को समयमा सम्पन्न गणना अनुसार सिंहले २७ हजार ८१६ मत ल्याई बिजयी भएका हुन । उनका निकट्तम सत्तारुढ गठबन्धनकी उम्मेदवार महालक्ष्मी उपाध्याय ‘डीना’ले २५ हजार ४३४ मत प्राप्त गरेकी थिईन ।
यस्तै एमालेका उम्मेदवार राप्रपा नेपालका अध्यक्ष कमल थापाले २५ हजार ४२० मत प्राप्त गरेका छन् । सुरुवातीदेखी अग्रता लिएकी नेतृ डिनाले बजार क्षेत्र गणनामा आएपछि अग्रतालाई कायम राख्न सकिनन। डिना र थापा बिच १४ मतको अन्तर देखिन्छ ।
राष्ट्रिय स्वतन्त्र पार्टीका टाकाराज थापाले ५ हजार ६१३ मत प्राप्त गरेका छन् । यो क्षेत्रमा ९१ हजार १०९ मत खसेको थियो ।
