हेटौंडा । आइतबार सम्पन्न प्रतिनिधिसभा र प्रदेशसभा निर्वाचन अन्तर्गत अहिले मकवानपुर क्षेत्र नम्बर १ को प्रत्यक्षतर्फको मतगणना जारी छ । जारी मतगणनामा लोकतान्त्रिक बाम गठबन्धनकी उम्मेदवार महालक्ष्मी उपाध्याय ( डिना) अगाडी आएकी छिन् । क्षेत्र नम्बर १ को १३३२ मत गणना हुँदा डिनाले ७८९ मत प्राप्त गरेकी छिन् भने सूर्य चिन्ह लिएर निर्वाचनमा होमिएका कमल थापाले ३५१ मत पाएका छन् ।
डिना थापाभन्दा ४३८ मतान्तरले अघि छिन् । माओवादीको आधार ईलाका मानिने मकवानपुरको पूर्वि क्षेत्रमा गठबन्धनकी उम्मेदवारलाई राम्रै मत आएको बुझिन्छ ।
यसैगरी, दिपक सिंहको हलो चिन्हले ५० मत प्राप्त गरेका छन् । घण्टीले २७, हँसिया ताराले ३८, क्रस खुकुरीले ९, ताराले २, छाताले २, भालेले २ ,लौरोले १, कम्युटरले १, मादलले १ र आमा चिन्हले १ मत पाएका छन् । बदर मत संख्या भने ५८ रहेको छ ।
