कात्तिक १५ गते । मकवानपुर क्षेत्र नम्बर १ को प्रदेशसभा क का उम्मेदवार प्रेम बहादुर पुलामी छिन्तुले मंगलबार बकैया गाउँपालिकाका विभिन्न वडामा घरदैलो गर्नुभएको छ । घरदैलोका क्रममा वडा नम्बर ३ स्थित चम्पाखहरेका मतदातासंग भेट गर्नुभएको छ ।
भेटका क्रममा त्यहाँका स्थानीयहरुले सडक पूर्वाधार विकास, चम्पा खहरेमा पुल निमार्ण तथा खेल क्षेत्रको विकास गर्न खेलकुद मैदान निमार्ण गर्न उम्मेदवार छिन्तुसंग माग गरेका छन् । उम्मेदवार छिन्तुले स्थानीयको मागलाई आफ्नोतर्फबाट हरसम्भव रुपमा पूरा गर्ने प्रतिबद्धता व्यक्त गर्नुभयो ।
यसैगरी, प्रदेशसभा क का उम्मेदवार छिन्तुले बकैयाकै वडा नम्बर २ धियाँलस्थित दोभानचौरमा मतदातासंग भेट गर्नुभएको छ । भेटका क्रममा उहाँले लोकतान्त्रिक गणतन्त्रका दोषी विभिन्न प्रलोभन देखाउदै भोट माग्न आउन सक्ने भन्दै मतदातालाई सचेत गराउनुभएको छ । उहाँले त्यस्ता व्यक्तिहरुलाई बहिस्कार गरी आउदै गरेको निर्वाचनमा सच्चा, कर्तव्यनिष्ट र सबैको साझा लोकतान्त्रिक बाम गठबन्धनका उम्मेदवार रहेको चिन्ह रुख र गोलाकारभित्रको हँसिया हथौडामा भोट दिन आग्रह गर्नुभयो ।
उम्मेदवार छिन्तुले आफुहरुको जित भएमा यस क्षेत्रको विकास र समृद्धिमा सदैब साथ रहने प्रतिबद्धता समेत जनाउनुभयो ।
