हेटौंडा । मकवानपुरको बागमती गाउँपालिकामा रोकिराखेको ट्रकमा अटो ठोक्किदा अटो चालकसहित ४ जना घाइते भएका छन् ।
शुक्रबार साँझ वडा नम्बर ५ स्थित कोइराला दमार चोकमा मलामी गएर फर्कदै गरेको ना १ ह ५८५५ नम्बरको अटोले रोकिराखेको बा.प्र.०३–००१ क ४१३ नम्बरको ट्रकमा ठक्कर दिएको हो । ठक्करबाट अटो चालक र पछाडी सवार तीन जना घाइते भएका छन् ।
घाइते हुनेहरुमा अटो चालक बागमती ८ निवासी सिंह बहादुर योन्जन, पछाडी सवार बागमती ८ कै वीर बहादुर थोकर , लक्ष्मण राई र राम बहादुर गोले रहेका छन् । उनीहरुलाई थप उपचारार्थ हेटौंडा ल्याइएको इलाका प्रहरी कार्यालय फापरबारीले जनाएको छ ।
