असोज १४ गते, हेटौंडा । प्रेस सेन्टर नेपाल मनहरीको आयोजनामा भोली अर्थात असोज १५ गते मैत्रिपुर्ण फुटबल खेल तथा शुभकामना आदान प्रदान कार्यक्रम हुने भएको छ ।
हिन्दु नेपालीहरुको महान पर्व बडा दशैको पावन अवसरमा भोलि मैत्रिपुर्ण खेल तथा शुभकामना सञ्चालन गर्न लागिएको हो । पश्चिम मकवानपुरमा क्रियशिल पत्रकार र मनहरीका जनप्रतिनिधिहरु विच मैत्रिभाव उत्पन्न होस भन्दै खेलको आयोजना गर्न लागेको प्रेस सेन्टर नेपाल मनहरीका अध्यक्ष जयराम मुक्तानले जानकारी दिए ।
खेल मनहरी –७ रमौलीमा रहेको प्रस्तावित क्षेत्रिया मदन भण्डारी रंगशालामा बिहान ७ बजे हुने जनाएको छ । पछिल्लो समय युवापुस्ता फुटबल खेलमा बढ्दै गएको आकार्षणलाई प्रवर्दन र मनहरीको परिचय बोको मदन भण्डारी रंगशालाको प्रचार –प्रसारमा सहयोग पुरयाउने उद्धेश्यले खेलको आयोजना गरिएको अध्यक्ष मुक्तानले बताए ।
