असोज १३ गते, काठमाडौं । विवेकशील साझा पार्टीका नेता पुरुषोत्तम ढुंगेल फेरी कांग्रेसमै फर्किएका छन् ।
उनलाई कांग्रेस नेता प्रकाशमान सिंहले आज बिहान एक कार्यक्रमका बिच नेपाली कांग्रेसमा स्वागत गरेका हुन् ।
विवेकशील साझाका तत्कालीन अध्यक्ष रवीन्द्र मिश्रले उनलाई काठमाडौं क्षेत्र नम्बर १ (ख)को उम्मेदवार बनाएका थिए । तर उनी पराजित भएका थिए । ३० वर्ष लामो कांग्रेसको राजनीति छाडेर विवेकशील साझामा प्रवेश गरेका ढुंगेल फेरी कांग्रेसमै फर्किएका हुन् ।
रवीन्द्र मिश्र बुधबारमात्रै राप्रपामा प्रवेश गरेका छन् र उनले शुक्रबार काठमाडौं क्षेत्र नम्बर १ बाट प्रतिनिधि सभा सदस्यको उम्मेदवार घोषणा गर्दैछन् ।
